TNPSC Tamil Current Affairs 6th March 2018

உலக செய்திகள்

1. இணைய சமத்துவத்திற்கான சட்டத்தை இயற்றிய அமெரிக்காவின் முதல் மாகாணம் என்ற பெருமையை வாஷிங்டன் பெற்றுள்ளது. வாஷிங்டன் மாகாண அளவில் நிறைவேற்றப்பட்டுள்ள இந்தச் சட்டத்தில் ஆளுநர் ஜெய்ன்ஸ்லீ (Jay Inslee) கையெழுத்திட்டுள்ளார்.
2. சீனாவில் இந்த ஆண்டு ராணுவத்துக்கான நிதி 11 லட்சம் கோடி ரூபாயாக உயர்த்தப்பட்டுள்ளது.
3. உலகின் 4-வது வலிமையான ராணுவத்தை உடைய நாடாக, இந்தியா உருவெடுத்துள்ளது. உலக அளவில் 133 நாடுகளின் ராணுவ வலிமை குறித்த குளோபல் ஃபயர் பவர் இண்டக்ஸ் 2017 என்ற பட்டியல் வெளியிடட்ப்பட்டுள்ளது. இந்தப் பட்டியலில் முதலிடத்தில், அமெரிக்காவும், 2-வது இடத்தில், ரஷ்யாவும், 3-வது இடத்தில் சீனாவும் உள்ளன.

இந்திய செய்திகள்

4. புதுச்சேரி பாரதியார் பல்கலைக்கூடத்தில் பெண்ணியம் தலைப்பில் ஓவிய, சிற்ப கண்காட்சி நடைபெற்றது
5. இந்தியாவில் குழந்தை திருமணம் பாதியாக குறைந்து விட்டதாக யுனிசெஃப் தெரிவித்துள்ளது. உலகம் முழுவதும் கடந்த பத்தாண்டுகளில் இரண்டரை கோடி குழந்தை திருமணங்கள் தடுத்து நிறுத்தப்பட்டுள்ளதாக யுனிசெஃப் அறிக்கையில் தெரிவிக்கப்பட்டுள்ளது.
6. ஏர் இந்தியா விமானங்கள் சவூதி அரேபியா வான்பரப்பு வழியாக இஸ்ரேலுக்குச் செல்ல ஒப்புதல் அளிக்கப்பட்டுள்ளதாக இஸ்ரேல் பிரதமர் பெஞ்சமின் நேதன்யாகு தெரிவித்துள்ளார்.
7. இந்தியாவுக்குக் கச்சா எண்ணெய் வழங்குவதில் சவூதிஅரேபியாவை முந்தி ஈராக் முதலிடத்தைப் பிடித்துள்ளது.
8. சர்வதேச மகளிர் தினத்தை கொண்டாடும் விதமாக, கடந்த ஞாயிறன்று ஏர் இந்தியா ஏர்பஸ் 319 ரக விமானத்தை முழுக்க முழுக்க பெண் ஊழியர்களைக் கொண்டு இயக்கியுள்ளது

விளையாட்டு செய்திகள்

9. ஐதராபாத்தில் கால்பந்து ரசிகர்களுக்கு குதூகலம் ஊட்டும் விதமாக சோப் ஃபுட்பால் விளையாட்டு இளைஞர்களிடையே சிறப்பாக வரவேற்பைப் பெற்றுள்ளது.
10. அமெரிக்காவில் ஆப்பிரிக்க நாடுகளின் கல்வி நிதிக்காக நடைபெற்ற டென்னிஸ் போட்டியில் ரோஜர் பெடரர், மைக்ரோசாப்ட் நிறுவனர் பில்கேட்ஸ் அணி வெற்றிபெற்றது.

வர்த்தக செய்திகள்

11. எட்டாவது தலைமுறை ரோல்ஸ் ராய்ஸ் பாண்டம் கார் டெல்லி, மும்பை, அகமதாபாத் உள்ளிட்ட வட இந்திய நகரங்களில் அறிமுகப்படுத்தப்பட்டுள்ளது.
12. ஷியோமி எம்.ஐ. 4 தொலைக்காட்சி விற்பனை பிலிப்கார்ட்டில் இன்று நள்ளிரவு 12 மணிக்கு தொடங்குகிறது.
13. இந்தியாவுக்குக் கச்சா எண்ணெய் வழங்குவதில் சவூதிஅரேபியாவை முந்தி ஈராக் முதலிடத்தைப் பிடித்துள்ளது.
14. கடந்த 2016-17 ஆம் நிதி ஆண்டில் அரசு வங்கிகள் ரூ.81ஆயிரத்து683 கோடி கடனை தள்ளுபடி செய்துள்ளன என்று நாடாளுமன்றத்தில் மத்திய நிதி அமைச்சர் அருண் ஜேட்லி இன்று தெரிவித்தார்.
15. உலக அளவிலான வளர்ச்சி, உள்நாட்டு தேவைகள் அதிகரிப்பு போன்ற காரணங்களால் 2019-ம் நிதியாண்டில் இந்தியாவில் பொருளாதார வளர்ச்சி5 சதவீதமாக இருக்கும்

நியமனங்கள்

16. மேகாலயாவின் முதலமைச்சராக கான்ராட் சங்மா பதவியேற்றார். தேசிய மக்கள் கட்சி, பா.ஜ.க., ஐக்கிய ஜனநாயகக் கட்சி இணைந்து அங்கு ஆட்சி அமைக்கின்றன.